Web Desk
ദോഹ: ആഗസ്തില്‍ ഖത്തറിലെ പെട്രോള്‍, ഡീസല്‍ വിലയില്‍ വര്‍ധനവ്. ഇന്നു മുതല്‍ പ്രീമിയം പെട്രോള്‍ ലിറ്ററിന് 1.80 റിയാലും സൂപ്പര്‍ പെട്രോളിനും ഡീസലിനും ലിറ്ററിനും 1.90 റിയാല്‍ വീതവുമാണ് വില. കഴിഞ്ഞമാസത്തെ അപേക്ഷിച്ച് പ്രീമിയം പെട്രോളിന്റെ വിലയില്‍ പത്തു ദിര്‍ഹത്തിന്റെയും സൂപ്പര്‍ പെട്രോളിന്റെ വിലയില്‍ 15 ദിര്‍ഹത്തിന്റെയും വര്‍ധനവുണ്ടായിട്ടുണ്ട്.
ജൂലൈയില്‍ പ്രീമിയം ലിറ്ററിന് 1.70 റിയാലും സൂപ്പറിന് 1.75 റിയാലുമായിരുന്നു വില. ഡീസലിന് ജൂലൈയെ അപേക്ഷിച്ച് അഞ്ചു ദിര്‍ഹത്തിന്റെ വര്‍ധനവാണുണ്ടായത്. ജൂലൈയില്‍ ഡീസലിന് 1.85 റിയാലായിരുന്നു ലിറ്ററിന് വില. 2016 ഏപ്രില്‍ മുതലാണ് രാജ്യാന്തര വിലക്കനുസരിച്ച് ഓരോ മാസവും ഇന്ധന വില നിശ്ചയിക്കാന്‍ തുടങ്ങിയത്.
2016 ജൂണില്‍ ആദ്യം വില നിലവാരം പ്രഖ്യാപിക്കുന്ന സമയത്ത് പ്രീമിയം പെട്രോളിന് 1.20 റിയാലും സൂപ്പറിന് 1.30 റിയാലും ആയിരുന്നു. 1.40 റിയാല്‍ ആയിരുന്നു ഡീസലിന്റെ വില. ഈ കാലയളവില്‍ പ്രീമിയം, സൂപ്പര്‍ പെട്രോളിന്റെ വിലയില്‍ 60 ദിര്‍ഹത്തിന്റെയും ഡീസലിന്റെ വിലയില്‍ 50 ദിര്‍ഹമിന്റെയും വര്‍ധനവാണുണ്ടായത്.
