Web Desk
ദോഹ: അറേബ്യന്‍ ഗള്‍ഫ് കപ്പില്‍ യമനെതിരെ യുഎഇക്ക് വിജയം. അല്‍ദുഹൈല്‍ ക്ലബ്ബിലെ അബ്ദുല്ല ബിന്‍ ഖലീഫ സ്റ്റേഡിയത്തില്‍ ചൊവ്വാഴ്ച രാത്രി നടന്ന മത്സരത്തില്‍ യമനെ എതിരില്ലാത്ത മൂന്നു ഗോളുകള്‍ക്കാണ് യുഎഇ തോല്‍പ്പിച്ചത്. അലി മബ്കൗതിന്റെ ഹാട്രിക്കാണ് യുഎഇയുടെ വിജയം അനായാസമാക്കിയത്. 21, 38, 54 മിനുട്ടുകളിലാണ് അലി ഗോളുകള്‍ സ്‌കോര്‍ ചെയ്തത്. മത്സരത്തിന്റെ തുടക്കം മുതല്‍ ആക്രമണാത്മക ശൈലിയായിരുന്നു യുഎഇ സ്വീകരിച്ചത്. ഗ്രൂപ്പ് എയില്‍ ഒന്നാം സ്ഥാനത്താണ് യുഎഇ. ഖത്തറിനെതിരെ നേടിയ അട്ടിമറി വിജയവുമായി ഇറാഖ് രണ്ടാമത്. ഖത്തര്‍ മൂന്നാമതും യമന്‍ നാലാമതും. ഗള്‍ഫ് കപ്പില്‍ ഇന്നലെ നടന്ന ഒമാന്‍ ബഹ്റൈന് മത്സരം സമനിലയില്‍ കലാശിച്ചു.
