in

ജാബര്‍ ബിന്‍ മുഹമ്മദ്, അല്‍ദസ്തൂര്‍ സ്ട്രീറ്റുകളില്‍ ഭാഗിക ഗതാഗത നിയന്ത്രണം

ദോഹ: ജാബര്‍ ബിന്‍മുഹമ്മദ്, അല്‍ദസ്തൂര്‍ സ്ട്രീറ്റുകളില്‍ നവംബര്‍ ഒന്നു മുതല്‍ ഭാഗിക ഗതാഗത നിയന്ത്രണം. ഒരു ദിശയിലേക്കുള്ള ഗതാഗതം അഞ്ചുമാസത്തേക്ക് അടക്കുമെന്ന് പൊതുമരാമത്ത് അതോറിറ്റി അശ്ഗാല്‍ അറിയിച്ചു. ജാബിര്‍ ബിന്‍ മുഹമ്മദ് സ്ട്രീറ്റില്‍ ദാര്‍അല്‍ഖുത്തുബ് ഇന്റര്‍സെക്ഷനില്‍നിന്നും(താല്‍ക്കാലിക റൗണ്ട്എബൗട്ട്) ജാബിര്‍ ബിന്‍ മുഹമ്മദ് സ്ട്രീറ്റ്/അല്‍ദസ്തൂര്‍ സ്ട്രീറ്റിലേക്കുള്ള ഭാഗത്ത് ഏകദേശം 200 മീറ്ററാണ് അടക്കുന്നത്. അല്‍ദസ്തൂര്‍ സ്ട്രീറ്റില്‍ ജാബിര്‍ ബിന്‍ സ്ട്രീറ്റില്‍ നിന്നും അലി ബിന്‍ അമീര്‍ അല്‍അത്തിയ്യ സ്ട്രീറ്റിലേക്കുള്ള ഭാഗത്ത് 150 മീറ്ററോളവും അടക്കും. ഈ കാലയളവില്‍, റോഡ് ഉപയോക്താക്കള്‍ക്ക് അല്‍ റൂഫ ഇന്റര്‍സെക്ഷന്‍ ഉപയോഗിക്കാനാകും. അല്‍ ദസ്തൂര്‍ സ്ട്രീറ്റില്‍ എത്തി അവരുടെ ലക്ഷ്യസ്ഥാനങ്ങളില്‍ എത്തിച്ചേരാനും കഴിയും. എ-റിംഗ് റോഡ് വികസന പദ്ധതിയുടെ ഭാഗമായി ഉപരിതല-ജല ഡ്രെയിനേജ് ശൃംഖലയും റോഡുകള്‍ നവീകരിക്കുന്ന ജോലികളും പൂര്‍ത്തീകരിക്കുന്നതിനായാണ് ഭാഗിക ഗതാഗതനിയന്ത്രണം ഏര്‍പ്പെടുത്തുന്നത്. അശ്ഗാല്‍ റോഡ് അടയാളങ്ങളും സൂചകങ്ങളും സ്ഥാപിക്കും. റോഡ് ഉപയോക്താക്കള്‍ വേഗപരിധിയും സുരക്ഷ ഉറപ്പാക്കാന്‍ റോഡ് അടയാളങ്ങള്‍ പാലിക്കണമെന്നും അശ്ഗാല്‍ അഭ്യര്‍ഥിച്ചു.

What do you think?

Written by Web Desk

Leave a Reply

Your email address will not be published.

ഖത്തര്‍ ചേംബര്‍ മലേഷ്യ, മൊസാംബിക്ക് ചേമ്പറുകളുമായി ധാരണാപത്രങ്ങള്‍ ഒപ്പുവെച്ചു

പുതിയ പോര്‍ട്ടലുകളുമായി കമ്യൂണിക്കേഷന്‍ മന്ത്രാലയം