in ,

മത്സരാധിഷ്ഠിത സമ്പദ് വ്യവസ്ഥ: അറബ് മേഖലയില്‍ ഖത്തര്‍ രണ്ടാമത്

ദോഹ: മത്സരാധിഷ്ഠിത സമ്പദ് വ്യവസ്ഥയുടെ കാര്യത്തില്‍ അറബ് മേഖലയില്‍ ഖത്തര്‍ രണ്ടാമത്. ലോക സാമ്പത്തിക ഫോറത്തിന്റെ(ഡബ്ല്യുഇഎഫ്) ഏറ്റവും പുതിയ റിപ്പോര്‍ട്ടിലാണ് ഇക്കാര്യമുള്ളത്. കഴിഞ്ഞവര്‍ഷത്തെ അപേക്ഷിച്ച് ഒരു സ്ഥാനം മെച്ചപ്പെടുത്താന്‍ ഖത്തറിനായിട്ടുണ്ട്. ആഗോളതലത്തില്‍ 29-ാം സ്ഥാനത്താണ് ഖത്തര്‍. ഐസിടി സ്വീകരിക്കുന്നതിലും നടപ്പാക്കുന്നതിലും അറബ് ലോകം കാര്യമായ ശ്രദ്ധയും പരിഗണനയും നല്‍കുന്നുണ്ടെന്ന് റിപ്പോര്‍ട്ട് ചൂണ്ടിക്കാണിക്കുന്നു. പല രാജ്യങ്ങളും മികച്ച അടിസ്ഥാനസൗകര്യങ്ങള്‍ ഒരുക്കിയിട്ടുണ്ട്. ഒമന്‍, ലബനാന്‍, യമന്‍ രാജ്യങ്ങളൊഴികെയുള്ള ബഹുഭൂരിപക്ഷം രാജ്യങ്ങളും പുരോഗതിയും മെച്ചപ്പെടലും കൈവരിച്ചിട്ടുണ്ട്.

എന്നിരുന്നാലും ഈ മേഖലയിലെ രാജ്യങ്ങളെ കൂടുതല്‍ നൂതനവും സൃഷ്ടിപരവുമായ സമ്പദ്വ്യവസ്ഥകളാക്കി മാറ്റുന്നതിന് മാനവ മൂലധനത്തില്‍ കൂടുതല്‍ നിക്ഷേപം ആവശ്യമാണെന്ന് റിപ്പോര്‍ട്ട് വ്യക്തമാക്കുന്നു. മത്സരാധിഷ്ഠിത അറബ് സമ്പദ് വ്യവസ്ഥയില്‍ യുഎഇയാണ് മുന്നില്‍. ആഗോളതലത്തില്‍ 25-ാം സ്ഥാനത്താണ് യുഎഇ. സഊദി അറേബ്യ 36-മതാണ്.

ഏറ്റവുമധികം സ്ഥാനം മെച്ചപ്പെടുത്തിയ അറബ് രാജ്യം കുവൈത്താണ്, എട്ടു സ്ഥാനങ്ങള്‍. ഇപ്പോള്‍ ആഗോളതലത്തില്‍ 46-ാമതാണ് കുവൈത്ത്. ലബനാന്‍, ഒമാന്‍, യെമന്‍ രാജ്യങ്ങള്‍ പിന്നോക്കം പോയി. അറബ് മേഖലയില്‍ യുഎഇ, ഖത്തര്‍, സഊദി, ബഹ്‌റൈന്‍, കുവൈത്ത്, ഒമാന്‍, ജോര്‍ദാന്‍, മൊറോക്കോ, ടുണീഷ്യ, ലബനാന്‍, അള്‍ജീരിയ, ഈജിപ്ത്, യമന്‍ രാജ്യങ്ങളാണ് ഒന്നു മുതല്‍ പതിമൂന്ന് വരെ സ്ഥാനങ്ങളില്‍.

What do you think?

Written by Web Desk

Leave a Reply

Your email address will not be published.

ഇന്ത്യന്‍ നാവികകപ്പല്‍ മൈസൂര്‍ ഹമദ് തുറമുഖത്തിലെത്തി

വിദ്യാര്‍ഥികള്‍ ഖലീഫ അവന്യൂ പദ്ധതി പ്രദേശത്ത് മരങ്ങള്‍ നട്ടുപിടിപ്പിച്ചു