ഖത്തറില്‍ പുതിയ കോവിഡ് രോഗികൾ 134

• 143 പേര്‍ കൂടി രോഗമുക്തരായി
• 2231 പേര്‍ ചികിത്സയില്‍, 252 പേര്‍ ആസ്പത്രിയില്‍

ദോഹ: ഖത്തറില്‍ പ്രതിദിന കോവിഡ് രോഗികളുടെ രണ്ടാം ദിവസവും 150ല്‍ താഴെ തുടരുന്നു.
കഴിഞ്ഞ 24 മണിക്കൂറിനിടെ 134 പേര്‍ക്കു മാത്രമാണ് രോഗം സ്ഥിരീകരിച്ചത്. പുതിയ രോഗബാധിതരില്‍  92 പേര്‍ ഖത്തറിലുള്ളവരും 42 പേര്‍ വിദേശങ്ങളില്‍ നിന്നെത്തിയവരുമാണ്. എല്ലാ രോഗബാധിതരെയും ഐസൊലേഷന്‍ കേന്ദ്രത്തിലേക്ക് മാറ്റിയിട്ടുണ്ട്. ഖത്തറിലാകെ ഇതേവരെ 1,40,961 പേര്‍ക്കാണ് രോഗം സ്ഥിരീകരിച്ചത്. ഇതേവരെ 240 പേരാണ് കോവിഡ് ബാധിച്ച് മരിച്ചത്.

കഴിഞ്ഞ 24 മണിക്കൂറിനിടെ 143 പേര്‍ക്ക് രോഗം ഭേദമായി. പുതിയ രോഗികളേക്കാള്‍ രോഗമുക്തരുടെ എണ്ണം വര്‍ധിച്ചിട്ടുണ്ട്. ഇതുവരെ 1,38,490 പേര്‍ സുഖംപ്രാപിച്ചു. നിലവില്‍ 2,231 പേരാണ് ചികിത്സയില്‍ കഴിയുന്നത്.  ഇതില്‍ 252 പേര്‍ ആസ്പത്രിയിലാണ്.25 പേരെയാണ് പുതിയതായി ആസ്പത്രിയില്‍ പ്രവേശിപ്പിച്ചത്. 24 പേരാണ് തീവ്രപരിചരണ വിഭാഗത്തില്‍ ചികിത്സയില്‍ കഴിയുന്നത്. 24 മണിക്കൂറിനിടെ ഒരാളെ മാത്രമാണ് ഈ വിഭാഗത്തില്‍ പ്രവേശിപ്പിച്ചത്. കഴിഞ്ഞ 24 മണിക്കൂറിനുള്ളില്‍ 10,177 പരിശോധനകളാണ് നടത്തിയത്.  ഇതുവരെ 11,67,017 പേരെയാണ് പരിശോധനക്ക് വിധേയരാക്കിയത്.