Web Desk
- ഖത്തറില്‍ 151 പേര്‍ക്കുകൂടി കോവിഡ്; 200 പേര്‍കൂടി രോഗമുക്തരായി
ദോഹ: ഖത്തറില്‍ തുടര്‍ച്ചയായ രണ്ടാംദിവസവും പ്രതിദിന കോവിഡ് രോഗികളുടെ എണ്ണം 150നു മുകളിലായി തുടരുന്നു. കഴിഞ്ഞ 24 മണിക്കൂറിനിടെ 151 പേര്‍ക്കാണ് രോഗം സ്ഥിരീകരിച്ചത്. പുതിയ രോഗബാധിതരില്‍ 125പേര്‍ ഖത്തറിലുള്ളവരും 26 പേര്‍ വിദേശങ്ങളില്‍ നിന്നെത്തിയവരുമാണ്. എല്ലാ രോഗബാധിതരെയും ഐസൊലേഷന്‍ കേന്ദ്രത്തിലേക്ക് മാറ്റിയിട്ടുണ്ട്. ഖത്തറിലാകെ ഇതേവരെ 1,41,272 പേര്‍ക്കാണ് രോഗം സ്ഥിരീകരിച്ചത്. ഇന്ന് കോവിഡ് ബാധിച്ച് മരണങ്ങളൊന്നും റിപ്പോര്‍ട്ട് ചെയ്തിട്ടില്ലെന്നത് ആശ്വാസകരമാണ്. രാജ്യത്ത് രോഗം ബാധിച്ച് ഇതേവരെ 241 പേരാണ് മരിച്ചത്.കഴിഞ്ഞ 24 മണിക്കൂറിനിടെ 200 പേര്‍ക്ക് രോഗം ഭേദമായി. ഇതുവരെ 1,38,919 പേര്‍ സുഖംപ്രാപിച്ചു.
നിലവില്‍ 2,112 പേരാണ് ചികിത്സയില്‍ കഴിയുന്നത്. ഇതില്‍ 250പേര്‍ ആസ്പത്രിയിലാണ്. 26 പേരെയാണ് പുതിയതായി ആസ്പത്രിയില്‍ പ്രവേശിപ്പിച്ചത്. 22 പേരാണ് തീവ്രപരിചരണ വിഭാഗത്തില്‍ ചികിത്സയില്‍ കഴിയുന്നത്. 24 മണിക്കൂറിനിടെ രണ്ടുപേരെ പുതിയതായി പ്രവേശിപ്പിച്ചു. കഴിഞ്ഞ 24 മണിക്കൂറിനുള്ളില്‍ 8,929 പരിശോധനകളാണ് നടത്തിയത്. ഇതുവരെ 11,75,833 പേരെയാണ് പരിശോധനക്ക് വിധേയരാക്കിയത്. ജനങ്ങള്‍ ശാരീരിക അകലം പാലിക്കല്‍, ഫെയ്‌സ് മാസ്‌ക്ക് ധരിക്കല്‍, തുടര്‍ച്ചയായി കൈകള്‍ വൃത്തിയായി കഴുകല്‍ ഉള്‍പ്പടെ എല്ലാ മുന്‍കരുതല്‍ നിര്‍ദേശങ്ങളും പാലിക്കണമെന്ന് പൊതുജനാരോഗ്യമന്ത്രാലയം നിര്‍ദേശിച്ചു.
