in

2027 ഏഷ്യന്‍ കപ്പ് ആതിഥേയത്വം: ഖത്തര്‍ ബിഡ് സമര്‍പ്പിച്ചു

ദോഹ: 2027ലെ ഏഷ്യന്‍ കപ്പ് ആതിഥേയത്വത്തിനായി ഖത്തറിന്റെ ബിഡ് ഔദ്യോഗികമായി സമര്‍പ്പിച്ചു. ഖത്തര്‍ ഫുട്‌ബോള്‍ അസോസിയേഷ(ക്യുഎഫ്എ)നാണ് ഇക്കാര്യം അറിയിച്ചത്. ടൂര്‍ണമെന്റിന് ആതിഥേയത്വം വഹിക്കാന്‍ ആഗ്രഹിക്കുന്ന അംഗ രാജ്യങ്ങളില്‍നിന്ന് ഏഷ്യന്‍ ഫുട്‌ബോള്‍ കോണ്‍ഫഡറേഷന്‍(എഎഫ്‌സി) ബിഡ് ഫയലുകള്‍ സ്വീകരിച്ചു തുടങ്ങിയിരുന്നു. എല്ലാ വിശദാംശങ്ങളും ഉള്‍പ്പെടുത്തി സമഗ്രമായ ഫയലാണ് ഖത്തര്‍ സമര്‍പ്പിച്ചിരിക്കുന്നത്. ഏഷ്യന്‍ കപ്പ് ആതിഥേയത്വത്തിനായുള്ള എല്ലാ ആവശ്യകതകളും നിറവേറ്റാനാകുമെന്ന് ബിഡില്‍ ഖത്തര്‍ വ്യക്തമാക്കി. ഭൂഖണ്ഡാന്തര, ആഗോള തലങ്ങളില്‍ രാജ്യം ആതിഥേയത്വം വഹിച്ച നിരവധി ടൂര്‍ണമെന്റുകളുടെ വിജയം, സമീപഭാവിയില്‍ ആതിഥേയത്വം വഹിക്കുന്ന ആഗോള ചാമ്പ്യന്‍ഷിപ്പുകളുടെ തയാറെടുപ്പുകള്‍ എന്നിവയെല്ലാം ഫയലില്‍ ഉള്‍ക്കൊള്ളിച്ചിട്ടുണ്ട്. ഏഷ്യന്‍ കപ്പിന്റെ 19-ാം പതിപ്പിന് ആതിഥേയത്വം വഹിക്കാന്‍ ഖത്തര്‍ സജ്ജമാണെന്ന് ക്യുഎഫ്എ പ്രസിഡന്റ് ശൈഖ് ഹമദ് ബിന്‍ ഖലീഫ ബിന്‍ അഹമ്മദ് അല്‍താനി പറഞ്ഞു. 2022 ഫിഫ ലോകകപ്പിനായി ഖത്തര്‍ നടത്തുന്ന നിക്ഷേപം ഭാവിയിലും ഫലപ്രദമായി ഉപയോഗപ്പെടുത്തുകയെന്ന ലക്ഷ്യവും ബിഡ് സമര്‍പ്പണത്തിന്റെ പിന്നിലുണ്ട്. പ്രധാന കായിക ചാമ്പ്യന്‍ഷിപ്പുകള്‍ക്ക് ആതിഥേയത്വം വഹിക്കാനുള്ള രാജ്യത്തിന്റെ വലിയ ആഗ്രഹം സ്ഥിരീകരിക്കുന്നതാണ് ഈ ബിഡ്. ഏഷ്യന്‍ കപ്പ് ആതിഥേയത്വത്തിനായി ഖത്തറിനു പുറമെ ഇന്ത്യ, ഇറാന്‍, സഊദി അറേബ്യ, ഉസ്ബക്കിസ്താന്‍ രാജ്യങ്ങളും ആതിഥേയത്വത്തിനായി ശ്രമിക്കുന്നത്. എല്ലാവരുടെയും രേഖകളും ഫയലുകളും വിശദമായി പഠിച്ച് വിലയിരുത്തിയശേഷം 2021ല്‍ 19-ാമത് ഏഷ്യന്‍കപ്പിനുള്ള ആതിഥേയ രാജ്യത്തെ ഔദ്യോഗികമായി പ്രഖ്യാപിക്കും. ഇതിനുമുമ്പ് 1988, 2011 വര്‍ഷങ്ങളിലാണ് ഖത്തര്‍ ഏഷ്യന്‍കപ്പിന് ആതിഥേയത്വം വഹിച്ചത്.

What do you think?

Written by Web Desk

Leave a Reply

Your email address will not be published. Required fields are marked *

ദോഹ മെട്രോ വീണ്ടും ട്രാക്കിലേക്ക്; വിപുലമായ തയാറെടുപ്പുകള്‍

ആഗോളതലത്തിലെ മികച്ച സര്‍വ്വകലാശാലകളില്‍ ഖത്തര്‍ യൂണിവേഴ്‌സിറ്റിയും