Web Desk
- 2986 പേര്‍ ചികിത്സയില്‍
- 425 പേര്‍ ആസ്പത്രിയില്‍
ദോഹ: രാജ്യത്ത് പുതിയതായി 232 പേര്‍ക്കു കൂടി കൊറോണ വൈറസ്(കോവിഡ്-19) സ്ഥിരീകരിച്ചു. രാജ്യത്ത് ഇതുവരെ രോഗം സ്ഥിരീകരിച്ചത് 1,17,498 പേര്‍ക്കാണ്. കഴിഞ്ഞ ദിവസത്തെ അപേക്ഷിച്ച് പുതിയ കോവിഡ് രോഗികളുടെ എണ്ണത്തില്‍ ഇന്ന് കുറവുണ്ടായിട്ടുണ്ട്. ഇന്ന് രാജ്യത്ത് കോവിഡ് മരണങ്ങളൊന്നും റിപ്പോര്‍ട്ട് ചെയ്തിട്ടില്ല. രാജ്യത്ത് ഇതേവരെ കോവിഡ് ബാധിച്ച് മരിച്ചത് 194 പേരാണ്.
ഇന്ന് 219 പേര്‍ക്കു കൂടി രോഗം മാറി. ഇതുവരെ 1,14,318 പേരാണ് സുഖംപ്രാപിച്ചത്. കഴിഞ്ഞദിവസത്തെ അപേക്ഷിച്ച് ഇന്ന് കോവിഡ് രോഗമുക്തരുടെ എണ്ണത്തില്‍ കുറവുണ്ടായിട്ടുണ്ട്. ഇന്ന് പുതിയ രോഗികളേക്കാള്‍ കുറവാണ് രോഗമുക്തരുടെ എണ്ണം. നിലവില്‍ കോവിഡ് ചികിത്സയിലുള്ളവരുടെ എണ്ണം 3000ല്‍ താഴെയായി തുടരുന്നു. ഇപ്പോള്‍ 2986 പേരാണ് ചികിത്സയിലുള്ളത്. ഇതില്‍ 425 പേരാണ് ആസ്പത്രിയില്‍ ചികിത്സയിലുള്ളത്. 68 പേര്‍ തീവ്രപരിചരണ വിഭാഗത്തിലാണ്.
കഴിഞ്ഞ 24 മണിക്കൂറിനുള്ളില്‍ 34 പേരെ ആസ്പത്രിയിലും അഞ്ചു പേരെ തീവ്രപരിചരണ വിഭാഗത്തിലും പ്രവേശിപ്പിച്ചു. രാജ്യത്ത് ഇതുവരെ 5,99,447 പേരെയാണ് കോവിഡ് പരിശോധനക്ക് വിധേയരാക്കിയത്. കഴിഞ്ഞ 24 മണിക്കൂറിനുള്ളില്‍ 5232 പേരെ പരിശോധനക്ക് വിധേയരാക്കിയത്.
