in ,

ഇന്ത്യന്‍ പ്രവാസികള്‍ക്ക് ആശ്വാസം; ഫാമിലി റസിഡന്റ് വിസ അപേക്ഷകള്‍ സ്വീകരിച്ചുതുടങ്ങി

ദോഹ: ഖത്തറിലെ അര്‍ഹരായ ഇന്ത്യന്‍ പ്രവാസികള്‍ക്ക് ഫാമിലി റസിഡന്റ് വിസകള്‍ക്കായി മെട്രാഷ്-2 മുഖേന അപേക്ഷിക്കാം. കോവിഡ് വ്യാപനത്തെത്തുടര്‍ന്ന് ഒരുവര്‍ഷമായി ഈ സേവനം നിര്‍ത്തിവെച്ചിരിക്കുകയായിരുന്നു. ഇന്ത്യക്കാര്‍ ഏറെ പ്രതീക്ഷയോടെ കാത്തിരുന്ന സേവനമാണിത്. മതിയായ യോഗ്യതയുള്ള പ്രവാസികള്‍ക്ക് ബന്ധപ്പെട്ട രേഖകള്‍ സഹിതം മെട്രാഷ് 2 മുഖേന അപേക്ഷിച്ചുതുടങ്ങാം. ഖ്ത്തറിലെ നിരവധി ഇന്ത്യന്‍ പ്രവാസികള്‍ക്ക് ആശ്വാസകരമാണ് ഈ തീരുമാനം.

ഇന്ത്യക്കാര്‍ക്കു പുറമെ മറ്റു രാജ്യങ്ങളില്‍നിന്നുള്ള ഖത്തര്‍ പ്രവാസികള്‍ക്കും മെട്രാഷ് 2 മുഖേന ഫാമിലി റസിഡന്റ് വിസകള്‍ക്കായി അപേക്ഷിക്കാം. ഇന്ത്യക്കാര്‍ ഉള്‍പ്പെടെയുള്ളവര്‍ക്കായി ഈ സേവനം നേരത്തെ പുനരാരംഭിച്ചിരുന്നുവെങ്കിലും കുറച്ച് ദിവസങ്ങള്‍ക്ക് ശേഷം ഇന്ത്യയെ പട്ടികയില്‍ നിന്ന് ഒഴിവാക്കി. എന്നാലിപ്പോള്‍ വീണ്ടും ഇന്ത്യയെ ഉള്‍പ്പെടുത്തിയതായി മെട്രാഷ് 2 ആപ്പില്‍ നിന്നും വ്യക്തമായി. ഖത്തറില്‍ ജോലി ചെയ്യുന്നവരില്‍ ഫാമിലി റസിഡന്റ് വിസക്ക് അര്‍ഹതയുള്ളവര്‍ക്ക് അപേക്ഷകള്‍ സമര്‍പ്പിക്കാം. എന്നാല്‍ ഫാമിലി വിസിറ്റ് വിസ, ബിസിനസ് വിസിറ്റ് വിസ, ഓണ്‍ അറൈവല്‍ വിസ എന്നിവയുടെ കാര്യത്തില്‍ ഇനിയും ഔദ്യോഗിക തീരുമാനമുണ്ടായിട്ടില്ല.

What do you think?

Written by Web Desk

Leave a Reply

Your email address will not be published.

സാവിത്രിഭായ് ഫൂലെ സര്‍വ്വകലാശാലാ ഖത്തര്‍ കാമ്പസ് കമേഴ്‌സ്യല്‍ അവന്യൂവില്‍; ധാരണാപത്രം കൈമാറി

ഖത്തറില്‍ ബലി പെരുന്നാള്‍ ജൂലൈ 20ന് ആകാന്‍ സാധ്യത