Web Desk
ദോഹ: ഇന്‍കാസ് കണ്ണൂര്‍ ജില്ലാ കമ്മിറ്റി ഗാന്ധിജയന്തിയോട് അനുബന്ധിച്ച് സംഘടിപ്പിച്ച ഓണ്‍ലൈന്‍ പ്രസംഗമല്‍സരത്തിലെ വിജയികളെ പ്രഖ്യാപിച്ചു. ഇന്‍കാസ് കണ്ണൂര്‍ ജില്ലാ ആക്ടിങ്ങ് പ്രസിഡന്റ് ജയചന്ദ്രന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ കണ്ണൂര്‍ ഡിസി സി പ്രസിഡന്റ് സതീശന്‍ പാച്ചേനി മുഖ്യാഥിതിയായിരുന്നു.
ചെറുകഥാകൃത്ത് നവീന പുതിയോട്ടില്‍ വിജയികളെ പ്രഖ്യാപിച്ചു. ഡാരിസ് ബെന്നി(വെളിമാനം എച്ച് എസ്എസ്) ഒന്നാം സ്ഥാനവും ടോം തോമസ്്(സാന്തോം എച്ച്എസ്എസ് കൊളക്കാട്) രണ്ടാം സ്ഥാനവും സനൂയ സന്തോഷ്(വലിയന്നൂര്‍ യു പി എസ്) മൂന്നാം സ്ഥാനവും നേടി. ഒഐസിസി ഗ്ലോബല്‍ കമ്മിറ്റി വൈസ് പ്രസിഡന്റ് കെ.കെ ഉസ്മാന്‍ യോഗം ഉദ്ഘാടനം ചെയ്തു. സംഘാട സമിതി കണ്‍വീനര്‍ ജെനിറ്റ് ജോബ് വിഷയാവതരണവും ജോയിന്റ് കണ്‍വീനര്‍ സഫീര്‍ കരിയാട് ഫേസ്ബുക്ക് മത്സര വിശദീകരണവും നടത്തി. സന്ദീപ് കെ.സി, വിദ്യ രഞ്ജിത്ത്, ഫര്‍ഹാന്‍ എന്നിവരായിരുന്നു വിധികര്‍ത്താക്കള്‍.
ഐസിസി പ്രസിഡന്റ് എ.പി മണികണ്ഠന്‍, കെ.എം.സി.സി പ്രസിഡന്റ് എസ്.എ.എം ബഷീര്‍, സുരേഷ് കരിയാട്, ജോപ്പച്ചന്‍ തെക്കേക്കുറ്റ്, നിയാസ് ചെരിപ്പത്ത്, ഹൈദര്‍ ചുങ്കത്തറ, ഇ.എം നാസര്‍, അഡ്വ. സുനില്‍കുമാര്‍, ജോര്‍ജ് കുരുവിള, കെ.വി ബോബന്‍, ഷംസുദീന്‍ ഇസ്മയില്‍, അഷ്‌റഫ് വടകര, അബ്ദുള്ള പള്ളിപ്പറമ്പ്, ശ്രീരാജ് ചൊവ്വ, ഷമീര്‍ മട്ടന്നൂര്‍, സഞ്ജയ് അലവില്‍, നിയാസ് ചിറ്റാലിക്കല്‍, അനില്‍ അഴീക്കോട്, മാലി മെരുവമ്പായി തുടങ്ങിയവര്‍ സംസാരിച്ചു. ജനറല്‍ സെക്രട്ടറി നിഹാസ് കൊടിയേരി സ്വാഗതവും ജോയിന്റ് ട്രഷറര്‍ അബ്ദുള്‍ റഷീദ് നന്ദിയും പറഞ്ഞു.
