Web Desk
ദോഹ: ഫെബ്രുവരിയിലെ പെട്രോള്‍, ഡീസല്‍ വില ഖത്തര്‍ പെട്രോളിയം പ്രഖ്യാപിച്ചു. നാളെ മുതല്‍ പെട്രോളിനും ഡീസലിനും ലിറ്ററിന് പതിനഞ്ച് ദിര്‍ഹം വീതം വര്‍ധനവുണ്ടാകും. പ്രീമിയം പെട്രോളിന് ലിറ്ററിന് 1.45 റിയാലും സൂപ്പര്‍ പെട്രോളിന് ലിറ്ററിന് 1.50 റിയാലും ഡീസലിന് ലിറ്ററിന് 1.45 റിയാലുമായിരിക്കും വില. ജനുവരിയില്‍ പ്രീമിയം പെട്രോളിന് 1.30 റിയാലും സൂപ്പറിന് 1.35 റിയാലും ഡീസലിന് 1.30 റിയാലുമായിരുന്നു വില.
ജനുവരിയിലും പെട്രോള്‍, ഡീസല്‍ വിലയില്‍ വര്‍ധനവുണ്ടായിരുന്നു. ഖത്തര്‍ പെട്രോളിയത്തിന്റെ വെബ്‌സൈറ്റിലും ഔദ്യോഗിക സോഷ്യല്‍ മീഡിയ അക്കൗണ്ടുകളിലും ഫെബ്രുവരിയിലെ ഇന്ധനവില പ്രസിദ്ധപ്പെടുത്തിയിട്ടുണ്ട്. 2016 ഏപ്രില്‍ മുതലാണ് രാജ്യാന്തര വിലക്കനുസരിച്ച് ഓരോ മാസവും ഇന്ധന വില നിശ്ചയിക്കാന്‍ തുടങ്ങിയത്. 2016 ജൂണില്‍ ആദ്യം വില നിലവാരം പ്രഖ്യാപിക്കുന്ന സമയത്ത് പ്രീമിയം പെട്രോളിന് 1.20 റിയാലും സൂപ്പറിന് 1.30 റിയാലും ആയിരുന്നു. 1.40 റിയാല്‍ ആയിരുന്നു ഡീസലിന്റെ വില.
