in

റിയാദ മെഡിക്കൽ സെൻറർ ലോ​ഗോ പ്രകാശനം

റിയാദ മെഡിക്കൽ സെൻറർ ലോഗോ പ്രകാശനം

ദോഹ: ആതുരസേവന രംഗത്തെ ഖത്തറിലെ പുതുസംരംഭമായ റിയാദ ഹെൽത്ത് കെയറിനു കീഴിലെ റിയാദ മെഡിക്കൽ സെൻറർ ലോഗോ പ്രകാശനം ചെയർമാൻ ശൈഖ്​ ജാസിം ബിൻ മുഹമ്മദ് ബിൻ ഹമദ് അല്‍താനി നിർവഹിച്ചു. സ്വകാര്യ ആരോഗ്യമേഖല വിപുലീകരിക്കുക എന്ന ലക്ഷ്യത്തോടെ, ഖത്തർ നാഷണൽ വിഷൻ 2030 മുന്നിൽ കണ്ടുകൊണ്ടാണ് റിയാദ ഹെൽത്ത്കെയർ പ്രവർത്തനമാരംഭിക്കുന്നതെന്ന്​ അദ്ദേഹം പറഞ്ഞു. ലോകോത്തര സംവിധാനങ്ങളും, ആരോഗ്യ രംഗത്തെ വിദഗ്ധരുമടങ്ങുന്ന സെൻറർ ഖത്തറിലെ ആരോഗ്യമേഖലയ്ക്ക് മികച്ച മുതൽക്കൂട്ടായിരിക്കുമെന്ന്​ അദ്ദേഹം പ്രത്യാശിച്ചു.
മാനേജിങ്​ ഡയറക്ടർ ജംഷീർ ഹംസ, ബ്രാൻഡിനെ മാധ്യമങ്ങൾക്കും പ്രേക്ഷകർക്കും പരിചയപ്പെടുത്തി. മികച്ച ആതുരസേവനവും, ആധുനിക സാങ്കേതിക വിദ്യയും ഒരുമിച്ച് ചേരുന്ന ഈ സ്ഥാപനം ഏറ്റവും മികച്ച സേവനം പരമാവധി ചുരുങ്ങിയ ചിലവിൽ ലഭ്യമാക്കുമെന്ന് അദ്ദേഹം വ്യക്​തമാക്കി.
എക്സിക്യൂട്ടീവ് ഡയറക്ടറും സി.എം.ഒയുമായ ഡോ. അബ്ദുൾ കലാം നന്ദി പറഞ്ഞു. പൂർണ്ണമായി സജ്ജീകരിച്ച ഡയഗ്നോസ്റ്റിക് സെൻററുകൾ, ഫാർമസി, ഒപ്റ്റിക്കൽ ഷോപ്പ് എന്നിവയ്ക്കൊപ്പം
18 വിഭാഗങ്ങളുമായി റിയാദ മെഡിക്കൽ സെൻറർ ദോഹയിലെ സി റിങ്​ റോഡിലാണ് ആരംഭിക്കുന്നത്.
‘ഇൻസ്പൈറിങ് ബെറ്റർ ഹെൽത്ത്’ എന്ന ആപ്തവാക്യത്തിലൂന്നി ആഗോള നിലവാരത്തിലുള്ള ആരോഗ്യ പരിചരണം ലഭ്യമാക്കുമെന്ന്​ മാനേജ്​മെൻറ്​ അറിയിച്ചു.

What do you think?

Written by Web Desk

Leave a Reply

Your email address will not be published. Required fields are marked *

ഖത്തറില്‍ പിങ്ക് നിറത്തിലുള്ള ജലാശയം; വിശദപരിശോധനക്കായി അധികൃതര്‍

ഡെലിവറി ജീവനക്കാരനെ മര്‍ദ്ദിക്കുന്ന വീഡിയോ വൈറല്‍; ഉടന്‍ നടപടിയെടുത്ത് ഖത്തര്‍ പൊലീസ്