Web Desk
ദോഹ: ഖത്തറിലെ ഇന്‍ഡസ്ട്രിയല്‍ ഏരിയയിലുണ്ടായ വാഹനാപകടത്തില്‍ തൃശൂര്‍ സ്വദേശി മരിച്ചു. തൃശൂര്‍, ചാവക്കാട് അകലാട് കാട്ടിലപ്പള്ളികിഴക്ക് ഭാഗം താമസിക്കുന്ന വട്ടംപറമ്പില്‍ ഹമീദ് (62) ആണ് മരണപ്പെട്ടത്.
പരേതരായ കരുമത്തിപ്പറമ്പില്‍ അബ്ദുല്ലക്കുട്ടിയുടെയും ചേക്കായിയുടേയും മകനാണ്. ഭാര്യ:ഷാഹിദ, മക്കള്‍: അര്‍ഷ, അസ്‌ന, അനസ്. മരുമക്കള്‍:അബ്ബാസ്, ബാദുഷ. ഓടിച്ചിരുന്ന ബസ്സില്‍ ട്രെയിലര്‍ വന്നിടിക്കുകയായിരുന്നുവെന്ന് ബന്ധുക്കള്‍ അറിയിച്ചു. പത്തുവര്‍ഷത്തിലേറെയായി പ്രവാസിയാണ്. അല്‍ബൈദ ട്രേഡിംഗ് കമ്പനിയില്‍ ഡ്രൈവറായി ജോലിനോക്കുകയായിരുന്നു. മൃതദേഹം നാട്ടിലേക്ക് കൊണ്ടുപോവുമെന്ന് നടപടികള്‍ക്ക് നേതൃത്വം നല്‍കുന്ന ഖത്തര്‍ കെ.എം.സി.സി അല്‍ഇഹ്‌സാന്‍ മയ്യിത്ത് പരിപാലന കമ്മിറ്റി അറിയിച്ചു.
