Web Desk
- ഇന്ന് 242 പേര്‍ക്കു കൂടി രോഗം മാറി
- ചികിത്സയിലുളളത് 2882 പേര്‍
ദോഹ: കഴിഞ്ഞ 24 മണിക്കൂറിനിടെ രാജ്യത്ത് കോവിഡ് ബാധിച്ച് ഒരാള്‍ കൂടി മരിച്ചു. ചികിത്സയിലായിരുന്ന 71 വയസ് പ്രായമുള്ള വ്യക്തിയാണ് മരിച്ചത്. ഇതോടെ രാജ്യത്ത് കോവിഡ് ബാധിച്ച് മരിച്ചവരുടെ എണ്ണം 202 ആയി. ഖത്തറില്‍ പുതിയതായി 227 പേര്‍ക്കു കൂടി കോവിഡ് സ്ഥിരീകരിച്ചു. വിദേശങ്ങളില്‍ നിന്നും മടങ്ങിയെത്തിയ പതിനേഴ് പേരില്‍ ഇന്നു രോഗം സ്ഥിരീകരിച്ചിട്ടുണ്ട്. മറ്റു 210 എണ്ണം കമ്യൂണിറ്റി കേസുകളാണ്. കഴിഞ്ഞ ദിവസത്തെ അപേക്ഷിച്ച് പുതിയ രോഗികളുടെ എണ്ണത്തില്‍ വര്‍ധനവുണ്ടായിട്ടുണ്ട്. രാജ്യത്ത് ഇതുവരെ രോഗം സ്ഥിരീകരിച്ചത് 1,19,864 പേര്‍ക്കാണ്.
ഇന്ന് 242 പേര്‍ക്കു കൂടി രോഗം മാറി. ഇതുവരെ 1,16,780 പേരാണ് സുഖംപ്രാപിച്ചത്. ഇന്നും പുതിയ രോഗികളേക്കാള്‍ രോഗമുക്തരുടെ എണ്ണം വര്‍ധിച്ചിട്ടുണ്ട്. ഇപ്പോള്‍ 2882 പേരാണ് ചികിത്സയിലുള്ളത്. ഇതില്‍ 397 പേര്‍ ആസ്പത്രിയിലാണ്. 51 പേര്‍ തീവ്രപരിചരണ വിഭാഗത്തിലാണ്.
കഴിഞ്ഞ 24 മണിക്കൂറിനുള്ളില്‍ 37 പേരെ ആസ്പത്രിയിലും മൂന്നു പേരെ തീവ്രപരിചരണ വിഭാഗത്തിലും പ്രവേശിപ്പിച്ചു. രാജ്യത്ത് ഇതുവരെ 6,54,973 പേരെയാണ് കോവിഡ് പരിശോധനക്ക് വിധേയരാക്കിയത്. കഴിഞ്ഞ 24 മണിക്കൂറിനുള്ളില്‍ 4725 പേരെ പരിശോധിച്ചു.
