Web Desk
മനാമ: കേരളീയ സമാജത്തിന്റെ നാല് ചാര്‍ട്ടേര്‍ഡ് വിമാനങ്ങളില്‍ രണ്ടെണ്ണം ഇന്ന് രാത്രി പുറപ്പെടും. രാത്രി ഷെഡ്യൂള്‍ ചെയ്തിരിക്കുന്ന ഗള്‍ഫ് എയറിന്റെ രണ്ട് വിമാനങ്ങളാണ് കൊച്ചിയിലേക്ക് പറക്കുക. രാത്രി 8.30നും 11.30നുമാണ് ഗള്‍ഫ് എയര്‍ വിമാനങ്ങള്‍ കൊച്ചിയിലേക്ക് പുറപ്പെടുക
അതേസമയം എയര്‍ ഇന്ത്യ എക്‌സ്പ്രസിന്റെ രണ്ട് വിമാനങ്ങള്‍ വൈകുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. എയര്‍ ഇന്ത്യ എക്സ്പ്രസ് ചാര്‍ട്ടേഡ് വിമാനത്തിന് ബഹ്റൈനില്‍ ഇറങ്ങാന്‍ അനുമതി ലഭിക്കാതിരുന്നതാണ് കാര്യങ്ങള്‍ പ്രതികൂലമാക്കിയത്. ബഹ്റൈന്‍ പ്രാദേശിക സമയം ഉച്ചതിരിഞ്ഞ് 12ന് കോഴിക്കോട്ടേക്കും 2.10ന് കൊച്ചിയിലേക്കുമായിരുന്നു എയര്‍ ഇന്ത്യ വിമാനങ്ങള്‍ പുറപ്പെടേണ്ടിയിരുന്നത്.
എയര്‍ ഇന്ത്യ എക്സ്പ്രസ് വിമാനങ്ങള്‍ ബഹ്റൈനില്‍ ഇറക്കാനുള്ള അനുമതിക്കായി ശ്രമം തുടരുകയാണ്. പ്രശ്നം ഉടന്‍ പരിഹരിക്കുമെന്നാണ് അധികൃതര്‍ നല്‍കുന്ന സൂചന. നാല് വിമാനങ്ങളിലുമായി 694 പ്രവാസികളാണ് നാട്ടിലേക്ക് പോകുന്നത്.
